Plas Power Adventure, Wrecsam
Pan wahoddodd tîm Twristiaeth a Digwyddiadau Wrecsam ni i dynnu lluniau ohonyn nhw'n dringo wal ddringo Plas Power ar brynhawn Gwener, allen ni ddim gwrthod, yn enwedig gan fod cyfle i wisgo harnais ein hunain!
Mae Plas Power yn Southsea, oddi ar Heritage Way ar y ffordd i fyny i Frymbo, ac yn cael ei redeg gan yr anturiaethwr (a'r artist) lleol profiadol Ian Walton, gyda help y dringwr ifanc talentog Leon Bowen. Mae Plas Power hefyd yn ffefryn mawr gydag ysgolion, colegau a gweithleoedd lleol sy'n dal i wneud amser ar gyfer gweithgareddau meithrin tîm! Mae Ian wedi datblygu waliau dringo sy'n addas i ddechreuwyr a dringwyr profiadol, yn ogystal â chwrs rhaffau uchel a weiren wib yn y coetir o amgylch.
O'r tu allan, mae'r hen dŷ glofaol hwn yn edrych yn ddigon plaen, ond wrth gamu i mewn i'r ganolfan ddringo mae'n llawer mwy trawiadol, gydag amrywiaeth o waliau dringo sy'n cynnig bargodion, clogwyni a wynebau craig go iawn, ynghyd â chaffi llawn i'r rhai llai anturus a'r rhai sydd eisiau gwylio!
Mae Ian a Leon wrthi'n gweithio gyda Chyngor Wrecsam i ddatblygu eu cynnig i ymwelwyr. Yn ystod Blwyddyn Antur Cymru 2016 bu cynnydd mawr mewn twristiaeth antur yn y Gogledd, ac mae gan dîm Cyngor Wrecsam angerdd go iawn dros gefnogi busnesau yn Wrecsam sy'n cynnig profiadau gwych i wahanol gynulleidfaoedd. Mae Plas Power hefyd wedi ymuno fel Llysgenhadon Twristiaeth Wrecsam, cynllun a sefydlwyd yn 2014 gan y Destination Wrexham Partnership i hybu busnesau'r diwydiant twristiaeth lleol ar y cyd.
Er bod elfen ddifrifol i'r ymweliad, sef trafod strategaeth farchnata bresennol Ian a'i uchelgeisiau ar gyfer datblygu'r ganolfan ymhellach, allen ni ddim mynd yn ôl i bencadlys This Is Wrexham heb wisgo harnais a dringo ambell wal ein hunain!
Gyda Joe ac Amanda o'r tîm Twristiaeth a Digwyddiadau (...rydyn ni'n gwybod ar ôl gweithio gyda nhw dros y flwyddyn ddiwethaf eu bod yn barod am bron unrhyw beth sy'n cynnwys her!) safodd pawb yn nerfus wrth droed pob wal gan herio rhywun arall i fynd gyntaf!
Ond doedd dim angen poeni, gan ei fod yn llawer o hwyl, a chyn hir roedden ni'n herio'n gilydd i roi cynnig ar waliau gwahanol a rasio i'r brig.
Mae Plas Power yn agored i ddechreuwyr, teuluoedd a grwpiau, ac mae hefyd yn ganolfan hyfforddi berffaith i ddringwyr mwy profiadol. Rhaid archebu ymlaen llaw (os oes angen hyfforddiant arnoch) ac mae prisiau (gyda hyfforddiant) yn dechrau o ddim ond £15.00 i blant a £22.00 i oedolion. Mae hyn hefyd yn cynnwys llogi harnais ac esgidiau.
Am fanylion archebu, amseroedd agor a phrisiau, ewch i www.plaspoweradventure.com
AMSEROEDD AGOR:
Dydd Llun: ar gau
Dydd Mawrth i ddydd Iau: 5.00pm i 10.00pm
Dydd Gwener: 10.00am i 5.00pm
Dydd Sadwrn: 10.00am i 6.00pm
Dydd Sul (a Gwyliau Banc): 10.00am i 4.00pm
I ARCHEBU:
Ffoniwch 01978 754747
Plas Power Adventure, Plas Power Road, Southsea, Wrecsam, LL11 5SZ (dilynwch yr arwyddion melyn o ffordd yr A525 rhwng Wrecsam a Rhuthun).
Gweler rhagor o luniau o'n hymweliad â Plas Power Adventure yn yr oriel isod! Rhowch gynnig arni eich hun; mae'n ymarfer corff gwych (wir!) ac yn weithgaredd gwych i deuluoedd, partïon a gweithleoedd!
Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham Plas Power Climbing Wall Wrexham
